కేయూ లో 2010 నియామక వివాదంపై ఉత్కంఠ

2010 నియామకాలపై తుది నిర్ణయం తీసుకున్న ప్రభుత్వం….

ఆమోదం కొరకు కెయూ పాలక మండలి సమావేశం….

గతంలో ఈ నియామకాల్లో అవకతవకలు జరిగాయని తేల్చిన కేయూ పాలక మండలి..

పబ్లికేషన్ మార్కుల్లో అవకతవకలు జరిగాయని నియామకాలను రద్దు చేసిన 130 వ పాలక మండలి…..

జోర్దార్ హన్మకొండ:

2/2009 నోటిఫికేషన్ లో ఎన్నికను అప్ప్రూవ్ చేయని పాలకమండలి…

2/2009 నోటిఫికేషన్ ద్వారా నియామకం కాబడ్డ 31 మంది అసిస్టెంట్ ప్రొఫెసర్ల నియామకాన్ని 130 వ కేయూ పాలక మండలి ఆమోదించలేదు. ప్రస్తుతం 23 మంది ఈ నోటిఫికేషన్ లో నియామకం అయిన వారు పనిచేస్తున్నారు. అప్పటి పాలక మండలి ఈ నియామకాల్లో చెప్పిన అభ్యంతరాలు ఈ విధంగా వున్నాయి:

బయోటెక్నాలజీ శాఖ: పీజీ, ఎం.ఫిల్, నెట్ మార్కుల కేటాయింపుల్లో అవకతవకలు ఉన్నాయని కమిటీ పేర్కొంది. డా. ఆశీర్వాదంకు పీజీ కోర్సుకు 6 మార్కులు కావాలి, కానీ ఎంపిక కమిటీ 10 మార్కులు ఇచ్చింది. రాంచందర్కు యూజీ కోర్సుకు 8 మార్కులు కావాలి, కానీ 10 మార్కులు ఇచ్చారు. లక్ష్మా రెడ్డికు UG కోర్సుకు 8 మార్కులు కావాలి, కానీ 10 మార్కులు ఇచ్చారు. పీజీ కోర్సుకు 6 మార్కులు కావాలి, కానీ 8 మార్కులు ఇచ్చారు. ప్రసన్న కుమార్ దిక్షిత్ కు పీజీ కోర్సుకు 8 మార్కులు కావాలి, కానీ 10 మార్కులు ఇచ్చారు. పెనుగంటి శ్రీ దివ్య అనే ఎంపికైన అభ్యర్థికి UG కోర్సుకు 10 మార్కులు ఇచ్చారు, కానీ ఆమె అర్హత 8 మార్కులు. PG కోర్సుకు 10 మార్కులు ఇచ్చారు, కానీ ఆమె అర్హత 8 మార్కులు. NET కోర్సుకు 10 మార్కులు ఇవ్వాలి, కానీ ఎంపిక కమిటీ దీన్ని పరిగణించలేదు. ప్రచురణలకు మార్కులు కేటాయించడంలో కూడా ఎంపిక కమిటీ అసమంజసంగా వ్యవహరించినట్లు తెలుస్తోంది. ఈ అవకతవకల కారణంగా బయోటెక్నాలజీ విభాగం నియామకాలను పాలక మండలి అప్రూవ్ చేయలేదు.

కెమిస్ట్రీ శాఖ: డా. కె. మమత అసిస్టెంట్ ప్రొఫెసర్‌గా ఎంపికయ్యారు. ఈ శాఖలో కూడా పబ్లికేషన్లకు తార్కికత లేని మార్కుల కేటాయింపు మరియు బోధనా అనుభవానికి సరైన ప్రమాణాలు పాటించకపోవడం జరిగిందని ఈసీ తీర్మానించి కెమిస్ట్రీలో జరిగిన నియామకాన్ని తప్పు బట్టింది.

ఇన్ఫర్మాటిక్స్: డి. రమేష్, డా. బోడ్డిరెడ్డి రామా ఎంపికైన అసిస్టెంట్ ప్రొఫెసర్లు. డా. బొద్ది రెడ్డి రమ కు పీజీ కొరకు 8 మార్కులు రావాల్సింది 10 మార్కులు వేసారని, డా రమేష్ కు 10 మార్కులు వేయాల్సింది 8 మార్కులు వేశారని అంతేకాకుండా, పీజీ మార్కుల కేటాయింపులో లోపాలు, పబ్లికేషన్లకు తార్కికత లేని మార్కులివ్వడం, బోధన అనుభవానికి తగిన రికార్డులు లేకపోవడం లాంటి సమస్యలు కనిపించాయని అందుకే ఈ విభాగం నియామకాలకు కూడా ఆమోదం లభించలేదు..

గణితశాస్త్రం: డా. కె. సోమయ్య, డా. ర్. భరవి శర్మ నియమితులయ్యారు. అరుణ్ కుమార్ కు యూజీ లో ఆరు మార్కులు రావాల్సి వుండగా నాలుగు మార్కులు వేశారని, డా. శ్రీకాంత్ కు 10 మార్కులు రావాల్సి వుండగా 8 మార్కులు వేశారని, పబ్లికేషన్లలో కూడా మార్కులు తప్పులు వేశారని గణిత శాస్త్రంలో నియమాకం అయిన డా సోమయ్య, భారవ శర్మ నియామకాలను ఈసీ ఆమోదించలేదు.

మైక్రోబయాలజీ: డా. ఎం. శ్రీనివాస్, డా. పి. వెంకటయ్య, డా. ఈ. సుజాత, డా. టి. రాజకోమురయ్యలు నియమితులయ్యారు. వీరిలో డా ముంజం శ్రీనివాస్ కు యూజీ కొరకు 8 మార్కులు రావాల్సి వుండగా, 10 మార్కులు వేశారని, విశ్వనాథ్ కు ఎం.ఫిల్, నెట్ విభాగంలో 10 మార్కులు వేయాల్సి వుండగా వాటిని వేయలేదని. పబ్లికేషన్లలో కూడా అవకతవకలు జరిగాయని గుర్తించి ఈ విభాగం నియామకాలకు ఆమోదం లభించలేదు.

ఫార్మసీ, ఫిజిక్స్, సిరికల్చర్, జువాలజీ, కంప్యూటర్ సైన్స్ ఇంజనీరింగ్, ఈసీఈ, మెకానికల్ ఇంజనీరింగ్, న్యాయ శాస్త్ర, ఎలెక్ట్రికల్ మరియు ఎలెక్ట్రానిక్స్ ఇంజనీరింగ్, మైనింగ్ ఇంజనీరింగ్ మొదలగు విభాగాల్ల్లో కూడా నియమితులయిన వారి మార్కులలో ఇదే విధమయిన అవకతవకలను గుర్తించి ఆమోదం తెలుపలేదు.

4/2012 నోటిఫికేషన్ మొత్తాన్ని రద్దు చేసిన 130 వ పాలక మండలి…..

4/2012 నోటిఫికేషన్లో నలుగురు అసిస్టెంట్ ప్రొఫెసర్లు నియమింప బడ్డారు. అయితే ఈ నోటిఫికేషన్ మొత్తాన్ని పాలక మండలి రద్దు చేసింది. ప్రస్తుతం వీరిలో ముగ్గురు ఇంకా ఇంజనీరింగ్ విభాగంలో అసిస్టెంట్ ప్రోఫేసర్లుగా కొనసాగుతున్నారు. వీరు హైకోర్టులో స్టే తీసుకొని వచ్చి కొనసాగుతున్నట్లు తెలిసింది. ఇటీవల విజిలెన్స్ అధికారులు ఈ నియామకాల మీద విచారించినట్లు తెలియవచ్చింది.

నేటి పాలక మండలి సమావేశంలో జీవో ఆమోదంపై ఉత్కంట….

2019 జరిగిన పాలక మండలి సమావేశంలో ఈ నియామకాల్లో జరిగిన అవకతవకలను వివరించి వీరి నియామకాలను తప్పు బట్టి ఆమోదం తెలుపలేదు. ఈ పాలక మండలి తీర్మానాలను కేయూ అధికారులు అమలు పరచాల్సి వుండగా, విశ్వవిద్యాలయ చట్టం ప్రకారం నియామకం అయిన రెగ్యులర్ టీచర్లను తొలగించే హక్కు ప్రభుత్వానికి వుందని వీరి నియామకాల విషయాన్ని ప్రభుత్వానికి అప్పటి రిజిస్త్రార్ ప్రో. కే. పురుషోత్తం పంపించారు. ప్రభుత్వం పలు మార్లు కమిటీలు వేసి ఆమోదం చేసే ప్రయత్నం చేసినప్పటికీ డా వినత రెడ్డి హైకోర్టులో కేసు దాఖలు వేయడం వలన పలుమార్లు ప్రభుత్వం విడుదల చేసిన జీవో రద్దు చేయబడింది. చివరకు సుప్రీం కోర్టును ఆశ్రయించగా యూనివర్సిటీ చట్టం ప్రకారం రెండు నెలల్లో ఈ నియామకాలపై న్యాయ బద్దంగా నిర్ణయం తీసుకోవాలని సుప్రీం కోర్టు ప్రభుత్వాన్ని ఆదేశించింది. ఈ నేపథ్యంలో గత మే నెలలో ప్రభుత్వం ఈ నియామకాలపై తన నిర్ణయం తెలుపుతూ జీవో ను విడుదల చేసింది. ఈ జీవో ను బహిర్గత పరచకపోవడం కూడా పలు అనుమానాలకు అవకాశం ఇచ్చిందని పలువురు అభిప్రాయపడ్డారు. ఈ జీవో ను ఈరోజు హైదరాబాదులో జరిగే పాలక మండలి సమావేశంలో ఆమోదం తెలుపుతారా లేదా మార్కుల కేటాయింపుల్లో అవకతవకలను పరిశీలించి జీవో ఆమోదాన్ని నిలిపివేస్తారా అనే విషయంపై యూనివర్సిటీలో చర్చ జరుగుతుంది.

పాలక మండలి సభ్యుల్లో ఇద్దరు ఈ నియామక సమస్యలో ఉన్నవారే….

ఈ నియామకాలను ఆమోదం పొందడానికి పాలక మండలిలో చోటు సంపాదించడానికి ఇద్దరు అసిస్టెంట్ ప్రొఫెసర్లు పైరవీలు చేసినట్టు గతంలో వార్తా పత్రికల్లో వచ్చిన విషయం తెలిసిందే. ఈ నేపథ్యంలో వీరు మిగితా సభ్యులను ఇంఫ్ల్యుయేన్స్ చేసే అవకాశాలు వున్నట్లు కూడా చర్చ జరుగుతుంది. గతంలో అక్రమాలను గుర్తించిన ఈసీ, ఇప్పుడు ఆ అక్రమాలకు పెద్ద పీట వేసి ప్రభుత్వ నిర్ణయానికి కట్టుబడి ఉంటుందా లేదా నియామకాల్లో జరిగిన అవకతవకలను గమనించి ప్రభుత్వ నిర్ణయాన్ని తప్పు బడుతుండా వేచి చూడాల్సిందే. అయితే పాలక మండలి సభ్యులను ప్రభుత్వమే నియమించింది కాబట్టి ప్రభుత్వానికి అనుగుణంగా పాలక మండలి నడుచుకుంటుందని పలువురు అభిప్రాయ పడుతున్నారు. అన్యాయం, అక్రమాలు, అవకతవకలతో సంబంధం లేకుండా పాలక మండలి నిర్ణయం జరగవచ్చని పలువురు అభిప్రాయం పడుతున్నారు. ఇలా జరిగితే బాదితులు మళ్ళీ ప్రభుత్వం మరియు పాలక మండలి నిర్ణయంపై వీరందరినీ బాధ్యులుగా చెస్తూ సుప్రీంకోర్టు, హైకోర్టు లను ఆశ్రయించే అవకాశం కూడా వున్నట్లు తెలిసింది.