భూపాలపల్లి బాల రక్షా భవన్ సిబ్బంది ఉన్నట్టా లేనట్టా…

జిల్లాలో బాలలకు రక్షణ కరువు…
కాటారం మండలం కొత్తపల్లిలో బాలలతో బండ చాకిరీ చేస్తున్న హై స్కూల్ యాజమాన్యం
భూపాలపల్లి 1098 కు ఫోన్ చేసినా పట్టించుకుని సిబ్బంది రామ్ చరణ్
1098 సిబ్బంది ఫిర్యాదుదారులతో నిర్లక్ష్యపు సమాధానం….
24 గంటలు పిల్లల రక్షణలో అందుబాటులో ఉండాల్సిన వీరు సొంత పనులకు పెద్దపీట….
ఆర్థిక ఒప్పందాలు కుదు ర్చుకొని కేసులను నీరుగారిస్తున్న వైనం….
జిల్లాలో నామమాత్రపు బాల సదనం.
జిల్లాలో జాడలేని బాలల సంక్షేమ సమితి
వెంటనే విచారణ జరిపిస్తాను – జిల్లా సంక్షేమ అధికారి చిన్నయ్య

(వరంగల్ జోర్దార్ నిఘా):
జయశంకర్ భూపాలపల్లి జిల్లాలో అవసరంలో ఉన్న పిల్లలకు రక్షణ రోజురోజుకీ మరింత కొరవడుతోంది. తాజాగా కాటారం మండలంలోని కొత్తపల్లి హైస్కూల్లో ఉపాధ్యాయ బృందం బడి పిల్లలతో బండ చాకిరి చేస్తున్న వైనం వెలుగు చూసింది. ఈ క్రమంలో కొంతమంది సామాజిక కార్యకర్తలు ఇట్టి విషయాన్ని 1098 చైల్డ్ హెల్ప్ లైన్ కు తెలియపరచగా, ఏమాత్రం పనిచేయాలని ఆలోచన లేనటువంటి బిఆర్బి సిబ్బంది నిర్లక్ష్యంగా సమాధానం ఇస్తూ, తప్పుడు ఫిర్యాదు చేశారని ఫిర్యాదుదారులనే భయభ్రాంతులకు గురి చేయడం వీడ్డూరం. వివరాల్లోకి వెళితే… గత కొన్ని రోజులుగా కాటారం మండలంలోని కొత్తపల్లి హైస్కూల్లో బడి పిల్లలతో స్కూల్ యజమాన్యం బండ చాకలి చేయిస్తూ సమోసాలు, వాటర్ క్యాన్లు తెప్పిస్తూ, మండలంలో నడిరోడ్డుకు అనుకుని ఉన్న స్కూల్ నందు రోజు కొన్ని వందల లారీలు వస్తూపోతున్న ఈ క్రమంలో పాఠశాల ఉపాధ్యాయుల కారులను పిల్లలు శుభ్రపరుస్తూ చాలా ప్రమాదకర పరిస్థితిలో కొందరు సామజిక కార్యకర్తల కంటపడ్డారు. ఇట్టి సమాచారాన్ని జిల్లాలో 24/7 పిల్లలకు అందుబాటులో ఉంటుందన్న ఉద్దేశంతో చైల్డ్ హెల్ప్ లైన్ కు కాల్ చేసి తెలియపర్చుగా అట్టి సమాచారాన్ని అందుకున్న 1098 సిబ్బంది పెరుమాండ్ల రాంచరణ్ ఫిర్యాదుదారులతో నిర్లక్ష్యపు సమాధానం ఇస్తూ, ఎలాంటి క్షేత్రస్థాయి పర్యటన చేయకుండానే అటువంటి విషయం అబద్ధమని కేసును నీరు గార్చి, మరుసటి రోజు ఫిర్యాదుదారే తిరిగి 1098కు కాల్ చేసి విషయం గురించి ఆరా తీయగా, ఫిర్యాదుదారున్ని తప్పుదోవ పట్టించు జరిగింది ఇదిలా ఉండగా జిల్లాలో పొరుగు సేవల విధానంలో పనిచేస్తున్న బాల సదనం సిబ్బంది సైతం కనుమరుగు కావడం మరింత ఆశ్చర్యకరం.

అక్రమ నియామకాలతో, అడ్డా దారిలో వచ్చిన సిబ్బంది తోక జాడిస్తూ మెల్లగా జారుకొని, బాల సదనంలో సిసి కెమెరా లు తీసివేసి, దాదాపు 10 లక్షల విలువైన ఫర్నిచర్ దొంగలపాలు అవుతోందని వినికిడి. అంతేకాకుండా, గత కొన్ని రోజులుగా బాలల సంక్షేమ సమితి సైతం జాడ లేకుండా పోయింది. గత సంవత్సరం హనుమకొండ, భూపాలపల్లి జిల్లాలో రెండు చోట్ల సిట్టింగ్ ఫీజులు వస్తాయనే ఉద్దేశంతో అందిన కాడికి అందునంత దండుకున్న సదరు కమిటీ, ప్రస్తుతం భూపాలపల్లిలో జిల్లాలో సిట్టింగ్ ఫీ బడ్జెట్ రానందున ఈ కమిటీ జిల్లాలో కనుమరుగైంది. దీనిబట్టి చూస్తే సదరు కమిటీ కేవలం రెండు చోట్ల సెట్టింగ్ ఫీజులు వస్తాయన్న ఉద్దేశాన్ని మాత్రమే మనం గమనించవచ్చు. ప్రస్తుతం బడ్జెట్ లేనందున వారు రాంవడం లేదు. జిల్లాలో రక్షణ అవసరమున్న పిల్లలకు ఏమాత్రం సంరక్షణ అందడం లేదనేది నూటికి నూరు శాతం వాస్తవమని తెలుస్తుంది. అయితే ఇదిలా ఉండగా, బాల రక్షా భవన్ లో సిబ్బంది కొందరు తప్పుడు దృవీకరణ పత్రాలు పెట్టి ఉద్యోగాలు సంపాదించారనినే కారణంతో బీఆర్బి సిబ్బంది ఉద్యోగ కాంట్రాక్టు రెన్యూవల్స్ లేక అసలు సిబ్బంది ఉన్నట్టా లేనట్టా అనే అయోమయ పరిస్థితి నెలకొంది. పట్టించుకోవాల్సిన జిల్లా సంక్షేమ అధికారి చిన్నయ్య అట్టి వారిని ఉద్యోగం నుండి తీసివేసి అర్హులైన నిరుద్యోగులకు అవకాశం ఇవ్వకుండా నిమ్మకు నీరెత్తినట్లు చూస్తూ ఉండడం గమనార్హం. వెరసి భూపాలపల్లి జిల్లాలో పిల్లలకు పూర్తిగా రక్షణ, సంరక్షణ కరువైందని చెప్పవచ్చు. ఇప్పటికైనా పాలనాధికారి స్పందించి బాల రక్షా భావన్ ను ప్రక్షాళన చేసి అర్హులకు న్యాయం చేయాలని బాధిత తల్లిదండ్రులు పత్రికా ముఖంగా కోరుతున్నారు. అయితే జోర్ధార్ నిఘా టీం కాటారం మండలం కొత్తపల్లి హైస్కూల్ పిల్లల బండ చాకిరి ఉదంతాన్ని గూర్చి జిల్లా సంక్షేమ అధికారి చిన్నయ్యను చరవాణిలో సంప్రదించగా విచారణ జరిపించి న్యాయం చేస్తామని తప్పు చేసిన వారిపై చర్య తీసుకుంటామన్నారు