|
(నర్సంపేట జోర్దార్ ప్రతినిధి కుంటమల్ల అరవింద్, 23 నవంబర్):
ప్రభుత్వానికి విరాళంగా ఇచ్చిన భూమిలో ప్రైవేటు వ్యక్తుల భవన నిర్మాణం అక్రమమా..? సక్రమమా..? అనేది స్థానిక నర్సంపేట ప్రజలలో వెయ్యి డాలర్ల ప్రశ్నగా.?మిగిలింది.ఈ వ్యవహారముపై స్థలదాత దొడ్డ మోహన్ రావు మౌనం వీడాలని నర్సంపేట ప్రజలు ముక్తకంఠంతో కోరుచున్నారు.విద్యార్థుల ఆటస్థలం కొరకు విరాళంగా ఇచ్చిన భూమిలో ప్రైవేట్ వ్యక్తులు నిర్మాణము చేపట్టడమే కాకుండా భవన నిర్మాణానికి రహదారి అడ్డుగా వస్తుందని దారి హద్దులు చెరిపి కబ్జా చేయడానికి ప్రయత్నిస్తున్నారని స్థానికులు ఆరోపిస్తున్నారు.దీని వెనక కొంతమంది రాజకీయ నాయకుల ప్రమేయం ఉందా..? అనే అనుమానాలు రేకెత్తుతున్నాయి. గతంలో భవన నిర్మాణమును 13వ వార్డు ప్రజలు వ్యతిరేకించడంతో కొద్దిరోజులు నిర్మాణాన్ని నిలిపి వేసిన వారు సమస్య సద్దుమనగడంతో మళ్లీ నిర్మాణ పనులు చేపట్టడం పలు అనుమానాలకు దారితీస్తుంది. ఇప్పటికైనా స్థలదాత దొడ్డ మోహన్ రావు,ప్రజాప్రతినిధులు,అధికారులు ఈ భవన నిర్మాణం పై సమాధానం చెప్పాల్సిన బాధ్యత ఉందని స్థానిక ప్రజలు కోరుచున్నారు.
ఫైల్ ఫోటో: భవన నిర్మాణాన్ని స్థానికులు అడ్డుకుంటున్న దృశ్యం
దాతృత్వానికి మరో పేరు దొడ్డ మోహన్ రావు…
నర్సంపేట ప్రాంతా అభివృద్ధికి కోట్ల రూపాయలు విరాళాలుగా అందించిన దానశీలి,మంచి మనస్సు గల వ్యక్తి ప్రముఖ వ్యాపారవేత్త దొడ్డ మోహన్ రావు.సమాజ సేవలో ఆయనకాయనే సాటి.అయన తండ్రి నర్సంపేట పట్టణంలో ప్రభుత్వఉపాధ్యాయుడిగాపని చేసిన బాలికల పాఠశాలలో ఆటస్థలం కొరకు గతంలో దొడ్డ మోహన్ రావు నివసించిన ఇంటిని 2016లో విరాళంగా ఇచ్చి మరోసారి నర్సంపేట ప్రాంత ప్రజల మన్ననలను పొందారు.ఈ సందర్భంలో అప్పటి మంత్రి హరీష్ రావు,ఎమ్మెల్యే పెద్ది సుదర్శన్ రెడ్డి ఘనంగా సన్మానించడం జరిగింది. ఇదే సమయంలో మోహనరావు అప్పటి అధికారులు కలెక్టర్ జీవన్ పాటిల్,ఆర్డీఓ రామకృష్ణ రెడ్డికి ఇంటి పత్రాలు,తాళం చెవులు అందించారు.
అక్రమ నిర్మాణమును.? అడ్డుకుంటున్న స్థానికులు….
మా 13వ వార్డులో ఉన్న సమాజ సేవకుడు దొడ్డ మోహన్ రావు నివాస భవనంను పాఠశాల విద్యార్థులకు ఆటస్థలంగా ఇవ్వడం హర్షించదగ్గ విషయమేనని కానీ కొంతమంది ప్రైవేటు వ్యక్తులు కబ్జా చేయడానికి ప్రయత్నిస్తే 13వ వార్డు సభ్యులతోపాటు స్థానిక ప్రజలతో ఉద్యమం చేపడతామని ఇప్పటికైనా అధికారులు,ప్రజా ప్రతినిధులు స్పందించాలని స్థానిక ఆబోతు రాజు యాదవ్,ఫైండ్ల గగన్,మోడం రామకృష్ణ డిమాండ్ చేస్తున్నారు.
Leave a Reply