కేయూ ఉపకులపతిగా ప్రో.కే. ప్రతాప్ రెడ్డి

కేయూ ఉపకులపతిగా ప్రొఫెసర్ కె ప్రతాపరెడ్డిని నియమిస్తూ రాజభవన్ ఉత్తర్వులు జారీ చేసింది. ప్రొఫెసర్ కె. ప్రతాప్ రెడ్డి జువాలజీ విభాగంలో విశిష్ట విద్యావేత్త మరియు పరిశోధకుడుగా మూడు దశాబ్దాలకుపైగా బోధన మరియు పరిశోధన అనుభవం కలిగి ఉన్నారు. 1961 జూన్ 15న రంగారెడ్డి జిల్లా, తెలంగాణలోని యాచారం గ్రామంలో జన్మించిన ఆయన, తన విద్యాభ్యాసం ఉస్మానియా విశ్వవిద్యాలయంలో పూర్తి చేశారు. 1981లో జువాలజీ లో డిస్టింక్షన్ తో B.Sc (Hons) పూర్తి చేశారు. 1983లో న్యూరోబయాలజీలో M.Sc మరియు 1988లో జువాలజీ (న్యూరోబయాలజీ) లో Ph.D పూర్తి చేశారు.

ప్రొఫెసర్ రెడ్డి తన విద్యావృత్తిని 1989లో ఉస్మానియా విశ్వవిద్యాలయంలో అసిస్టెంట్ ప్రొఫెసర్‌గా ప్రారంభించారు. 1998లో అసోసియేట్ ప్రొఫెసర్‌గా పదోన్నతి పొందారు మరియు 2006లో పూర్తి ప్రొఫెసర్‌గా నియమితులయ్యారు. 2021లో పదవీ విరమణ చేసిన వరకు ఆయన బోధన మరియు పరిశోధనలో విశేషంగా కృషి చేశారు. ఆయన 25 మందికి పైగా పి.హెచ్.డి విద్యార్థులకు మార్గనిర్దేశకుడిగా వ్యవహరించడమే కాక, జాతీయ మరియు అంతర్జాతీయ జెర్నల్స్‌లో 104కి పైగా ప్రచురణలు చేశారు. ఆయనకు 1319 సిటేషన్లు, 16 h-ఇండెక్స్ మరియు 21 i-ఇండెక్స్ ఉన్నాయి. జాతీయ మరియు అంతర్జాతీయ సదస్సులలో 487 పత్రాలను సమర్పించారు, 7 పుస్తకాలు ప్రచురించారు మరియు 12 ముఖ్య పరిశోధనా ప్రాజెక్టులను పూర్తి చేశారు.

బోధన మరియు పరిశోధనలో ఆయన చేసిన కృషికి తోడు, ఉస్మానియా విశ్వవిద్యాలయంలో ప్రొఫెసర్ రెడ్డి పలు కీలక పరిపాలనా పదవులను నిర్వహించారు. 2020-2021 లో సైన్స్ విభాగ డీన్‌గా, 2018-2020 మధ్య కాలంలో యూనివర్సిటీ కాలేజ్ ఆఫ్ సైన్స్ ప్రిన్సిపాల్‌గా, మరియు 2013-2014 లో ఉస్మానియా విశ్వవిద్యాలయం రిజిస్ట్రార్‌గా బాధ్యతలు చేపట్టారు. అదనంగా, ఆయన జువాలజీ విభాగాధిపతిగా, అడ్మిషన్స్ డైరెక్టర్‌గా మరియు బోర్డ్ ఆఫ్ స్టడీస్ ఛైర్మన్‌గా సేవలు అందించారు. 2016-2018 మధ్యకాలంలో ఆయన రాస్ ఇన్‌స్టిట్యూట్ ఆఫ్ ప్యారసిటాలజీ డైరెక్టర్‌గా కూడా పనిచేశారు.

తన కెరీర్‌లో ప్రొఫెసర్ రెడ్డి అనేక ప్రతిష్ఠాత్మక అవార్డులను అందుకున్నారు. 2017లో తెలంగాణ రాష్ట్ర ప్రభుత్వం నుండి రాష్ట్ర ఉత్తమ ఉపాధ్యాయ అవార్డును పొందగా, 2015లో యూజీసీ-బీఎస్ఆర్ మిడ్-కెరీర్ అవార్డును యూజీసీ, న్యూ ఢిల్లీ నుండి అందుకున్నారు. 1987లో ఆయనకు ఎస్.ఎస్. పర్మార్ ఫౌండేషన్ ప్రైజ్ లభించింది. జువాలజీ, ముఖ్యంగా న్యూరోబయాలజీ రంగంలో ఆయన చేసిన కృషి ఎంతో మందిని ప్రేరేపిస్తోంది.

ప్రక్షాళన దిశగా అడుగులు వేయాలని విద్యార్థి ఉద్యోగ సంఘాల డిమాండ్

కాకతీయ విశ్వవిద్యాలయానికి ఉస్మానియా యూనివర్శిటీలో జంతు శాస్త్ర విభాగంలో పని చేసి రిటైర్ అయిన ప్రొఫెసర్ కె. ప్రతాప్ రెడ్డి కొత్త ఉపకులపతిగా నియమితులయ్యారు. 1989 లో ఉస్మానియా యూనివర్సిటీ, జంతుశాస్త్ర విభాగంలో అసిస్టెంట్ ప్రొఫెసర్ గా నియమిక నియామకమైన ప్రొఫెసర్ ప్రతాపరెడ్డి 2021లో అదే యూనివర్సిటీలో పదవి విరమణ పొందారు. 2013-14 సంవత్సరంలో ఉస్మానియా యూనివర్సిటీ రిజిస్ట్రార్ గా కూడా బాధ్యతలు చేపట్టారు. గతంలో జువాలజీ విభాగపు హెడ్ గా, చైర్మన్ బోర్డ్ ఆఫ్ స్టడీస్ గా అంతే కాకుండా కోఆర్డినేటర్ గా వివిధ బాధ్యతల్లో ప్రొఫెసర్ కె ప్రతాపరెడ్డి పనిచేశారు. న్యూరో సైన్స్ అంశంలో పరిశోధన చేసిన అనుభవం కలిగిన ప్రొఫెసర్ కె ప్రతాపరెడ్డి 80 కి పైగా పరిశోధన పత్రాలను వివిధ జర్నలిస్టులో ప్రచురించి 20 కి పైగా విద్యార్థులకు పిహెచ్డి లను అందజేశారు.

రాబోయే కేయు విసి ఎదుర్కోబోతున్న సమస్యలు…..

2010 లో నియామకం అయిన అసిస్టెంట్ ప్రొఫెసర్లకు ఇప్పటివరకు పోర్టు కేసుల కారణంగా పదోన్నతులు ఇవ్వలేదు
నాన్ టీచింగ్ లో వివిధ క్యాడర్ లో 180 వరకు ఖాళీలు నింపాల్సి వుంది. కొన్ని పదోన్నతులు ఇవ్వాల్సి వుంది.
కొత్తగా ఏర్పాటైన ఇంజనీరింగ్ మరియు పీజీ కాలేజీలకు బోధనేతర పోస్టులు మంజూరు కావాల్సి వుంది
పదవీ విరమణ చేసిన టీచింగ్ నాన్ టీచింగ్ ఉద్యోగులకు చెల్లించాల్సిన బకాయిలు చాలా రోజుల నుండి పెండింగ్ లో వున్నాయి