భగవంతుని నామస్మరణతో పాప విమోచన

భగవంతుని గుణ నామమే పాప విమోచనకు రక్ష …..టి.కేరామ్ కన్నన్

(నిర్మల్ జోర్దార్ ప్రతినిధి)

భగవంతుని గుణ నామమే పాప విమోచనకు రక్ష అని ఆధ్యాత్మిక ప్రవచకులు టి.కె రామకన్నన్ తెలిపారు. ధనుర్మాస ఉత్సవాల్లో భాగంగా స్థానిక దేవరకోట లక్ష్మీ వెంకటేశ్వర స్వామి ఆలయంలో గోదాదేవి రచించిన తిరుప్పావై గ్రంథములను వివరించారు.భగవన్నామ స్మరణ వల్ల సంచిత, ఆగామి, ప్రారబ్ద కర్మలు నశిస్తాయని ఆయన తెలిపారు.ఈ సందర్భంగా టిటిడి వారి ఏడిపిపిపి పర్యవేక్షకులు శ్రీమాన్ విజయ కుమారాచార్యులు శుక్రవారం హాజరై తిరుప్పావై ప్రవచనాలను ఆలకించారు. అనంతరం ఆయన మాట్లాడుతూ.. తిరుప్పావై ప్రవచనాలను భక్తులకు అందించడమే‌ టీటీడీ వారి ఆల్వార్ దివ్య ప్రబంధ ప్రాజెక్టు ముఖ్య ఉద్దేశమని ఆయన తెలిపారు.నెల రోజుల పాటు సాగే ధనుర్మాస ఉత్సవాలలో భక్తులు ఉదయం పూటనే హాజరై తిరుప్పావై ప్రవచనాలను ఆలకిస్తున్నారు.ఈ కార్యక్రమంలో దేవరకోట ఆలయ చైర్మన్ కొండ శ్రీనివాస్,ఆలయ అర్చకులు నవీన్, భక్తులు పాల్గొన్నారు