సమగ్ర శిక్షా ఉద్యోగుల నిరసన ర్యాలీ

కలెక్టరేట్ కార్యాలయం ముందు సమగ్ర శిక్షా ఉద్యోగుల నిరసన ర్యాలీ*

భూపాలపల్లి జోర్దార్ ప్రతినిధి

పాఠశాల విద్యాశాఖ తెలంగాణ సమగ్రశిక్ష ఉద్యోగుల సంఘం, జయశంకర్ భూపాలపల్లి శాఖ ఆధ్వర్యంలో కొనసాగుతున్న సమగ్ర శిక్షా ఉద్యోగుల నిరవధిక సమ్మె 9వ రోజు కొనసాగింది.

కలెక్టరేట్ కార్యాలయం ముందు నిరసన ర్యాలీ

ఇందులో భాగంగా కలెక్టర్ కార్యాలయం ముందు ఉద్యోగులందరూ ర్యాలీ తీసి బతుకమ్మ ఆటపాటలతో నిరసన వ్యక్తం చేశారు.

ఈ సందర్భంగా గతంలో ముఖ్యమంత్రి రేవంత్ రెడ్డి ఏక శిలా పార్కు వేదికగా సమగ్ర శిక్షా ఉద్యోగులు నిర్వహించిన ధర్నా కార్యక్రమం లో ఇచ్చిన హామీ ప్రకారం సమగ్ర శిక్షా ఉద్యోగుల ను అందరిని రెగ్యులర్ చేయాలని, అంతవరకు వెంటనే పే స్కేల్ వర్తింపచేయాలని వారు కోరారు.

పి.ఆర్.టి.యు.జిల్లా ప్రధాన కార్యదర్శి కిరణ్ , టేకుమట్ల భూపాలపల్లి మండలం పి ఆర్ టి యు టీఎస్ అధ్యక్షులు సేవాలాల్ సేన రాష్ట్ర నాయకులు మరియు భూపాలపల్లి ఎం.ఈ.ఓ. దేవానాయక్ , మల్హర్ రావు మండలం యం.ఇ.వో లక్ష్మణ్ బాబు సమ్మెకు మద్దతు తెలిపారు.
నిరసన కార్యక్రమంలో మహిళా అధ్యక్షురాలు చల్ల సునీత స్వయంగా సమగ్ర శిక్షా ఉద్యోగుల కష్టాలు గూర్చి ఉయ్యాల పాటను రచించి పాడటం జరిగింది.
ఈ కార్యక్రమంలో సమగ్ర శిక్షా రాష్ట్ర అసోసియేట్ అధ్యక్షులు కె రాజయ్య , జయశంకర్ భూపాలపల్లి జిల్లా సమగ్రశిక్ష ఉద్యోగుల సంఘం అధ్యక్షులు చాంద్ పాషా, ప్రధాన కార్యదర్శి తోకల వేణు మరియు శైలజ మనోరమ రజిత చైతన్య జిల్లా బాధ్యులు మహేందర్ సుదర్శన్ , చంద్రకళ, తిరుపతి, నరేష్, కనకలక్ష్మీ, మల్లిఖార్జున్ సత్యనారాయణ, శ్రీనివాస్, రాజు తదితరులు పాల్గొన్నారు.