వరి కొయ్యలు కాల్చవద్దు
- నేలకు, పర్యావరణానికి నష్టమని స్పష్టం చేస్తున్న నిపుణులు
- రైతుల్లో అవగాహన కల్పించేందుకు ప్రభుత్వ కార్యాచరణ
(11 డిసెంబర్ 2024,:జమ్మికుంట జోర్దార్ ప్రతినిధి.):
జమ్మికుంట కృషి విజ్ఞాన కేంద్రంలో వ్యవసాయ శిక్షణ పొందుతున్న మల్లారెడ్డి యూనివర్సిటీ బీఎస్సీ అగ్రికల్చర్ విద్యార్థినిలు గ్రామీణ కృషి అనుభవ కార్యక్రమంలో భాగంగా ఆబాది జమ్మికుంట గ్రామంలో రైతులకు అవగాహన కల్పించారు. రాష్ట్ర వ్యాప్తంగా యంత్రాలతో వరి కోతలు ముగిసిన వెంటనే కొయ్యలను రైతులు దహనం చేస్తున్నారు. అనేక గ్రామాల్లోని వ్యవసాయ క్షేత్రాల్లో ఇదే ప్రక్రియ జరుగుతోంది. వరికోతలకు యంత్రాలను వినియోగించగా పొలాల్లో ఎత్తయిన వరి కొయ్యలు మిగిలిపోతున్నాయి. రైతులు రెండో పంట వేసేందుకు వీలుగా వాటిని తగల బెడుతున్నారు. దీంతో భూమిలో సేంద్రియ కర్బన శాతం తగ్గి.. కొంతకాలానికి నిస్సారంగా మారుతుందని నిపుణులు చెబుతున్నారు. వరికొయ్యలను కాల్చే సమయంలో మంటలు విస్తరించి చుట్టుపక్కల పొలాలకు అంటు కుంటున్నాయి. ఇతర పంటలకు నష్టం వాటిల్లుతుంది. రైతులు ప్రమాదాల భారిన పడుతున్నారు. గత ఏడాది ఒక రైతు చనిపోయారు. రైతులు వరి వంట కోశాక కొయ్యలను కాల్చడం అన్ని విధాల నష్టదాయకం. వరి కొయ్యలు భూమిలో కుళ్ళి పోయేలా కలియదున్నాలని వ్యవసాయ విద్యార్థులు రైతులకు అవగాహన కలిగించారు .
ఈ కార్యక్రమంలో రైతులు కొమురయ్య, రవీందర్, విద్యార్థినిలు వాసవి, ప్రవళిక , మౌనిక,నవ్య, నిషిత, పావని, ప్రగతి , సాత్విక పాల్గొన్నారు.
Leave a Reply