సీఎం కప్ పోటీలో భీమదేవరపల్లి హవా

హనుమకొండ జోర్దార్ ప్రతినిధి

రాష్ట్ర ప్రభుత్వం క్రీడాకారులను గ్రామీణ స్థాయి నుంచి అంతర్జాతీయ స్థాయి దాకా తీర్చిదిద్దాలని లక్ష్యంతో నిర్వహిస్తున్న సీఎం కప్ 2024 పోటీలో భీమదేవరపల్లి మండలం క్రీడాకారులు సంచలన విజయాలు సాధించారు. హనుమకొండ లోని జవహర్లాల్ నెహ్రూ స్టేడియంలో జిల్లాలోని అన్ని మండలాల నుండి హాజరైన క్రీడాకారులతో నిర్వహించిన సీఎం కప్ పోటీలో భీమదేవరపల్లి జట్లు అత్యద్భుతమైన ప్రదర్శన కనబరిచి వివిధ క్రీడల్లో రాష్ట్రస్థాయికి ఎంపికయ్యారు.

గాజు తిరుపతి కెప్టెన్ గా వ్యవహరించిన భీమదేవరపల్లి జట్టు కబడ్డీ పురుషుల విభాగం పోటీలో విజేతగా నిలిచి రాష్ట్ర స్థాయి కి ఎంపికయ్యారు. కబడ్డీ లో ఆటగాళ్లు శ్రవణ్, అజయ్, వేణు అద్వితీయంగా ఆడి జట్టుకు విజయాన్ని సాధించి పెట్టారు.
మహిళల ఖో ఖో పోటీలో భీమదేవరపల్లి జట్టు హనుమకొండ జట్టును ఓడించి రాష్ట్రస్థాయికి ఎంపికైంది.

అంతేకాకుండా కరాటే 60 కేజీల విభాగంలో జరిగిన పోటీలో మండలానికి చెందిన రవళి అత్యుత్తమ ప్రదర్శనతో అందరినీ ఆకట్టుకొని రాష్ట్రస్థాయి పోటీలో పాల్గొంటారు.
అథ్లెటిక్స్ విభాగంలో వి. స్వామి లాంగ్ జంప్ లో రెండవ స్థానం, షాట్ పుట్ లో మూడో స్థానాన్ని సాధించారు.

100 మీటర్ల పరుగు పందెంలో వి. అరవింద్ మూడో స్థానాన్ని పొందారు.
భీమదేవరపల్లి మండల ఫిజికల్ డైరెక్టర్లు శ్యామ్ సుందర్, మోహన్, రాజేశ్వరి, అనిత,, స్వప్న, చంటి, రవళి తమ శిక్షణతో క్రీడాకారులను తీర్చిదిద్ది ఈ విజయం సాధించడంలో దోహదపడ్డారు.
భీమదేవరపల్లి మండల క్రీడాకారులు సాధించిన విజయం పట్ల పలువురు హర్షం వ్యక్తం చేశారు. క్రీడాకారులు, ఫిజికల్ డైరెక్టర్లను మండలానికి చెందిన సీనియర్ క్రీడాకారులు పలువురు రాజకీయ నాయకులు అభినందించారు.
ఈ కార్యక్రమంలో మాజీ సర్పంచ్ స్వాతి నాగరాజు, సీనియర్ క్రీడాకారులు రవి, సురేందర్, స్టాలిన్ తదితరులు పాల్గొన్నారు.