*సీఎం కప్ మండల స్థాయి క్రీడలను ప్రారంభించిన జడ్పీ సీఈఓ*
భీమదేవరపల్లి జోర్దార్ విలేఖరి
భీమదేవరపల్లి జిల్లా పరిషత్ ఉన్నత పాఠశాల క్రీడా మైదానంలో రెండు రోజులపాటు నిర్వహిస్తున్న సీఎం కప్ -2024 మండల స్థాయి క్రీడా పోటీలను హనుమకొండ జిల్లా పరిషత్ సీఈవో విద్యాలత ప్రారంభించారు. తెలంగాణ స్పోర్ట్స్ అథారిటీ ఆధ్వర్యంలో స్థానిక ఎంపీడీవో వీరేశం కన్వీనర్ గా మండలంలో ని వివిధ గ్రామపంచాయతీల పరిధిలో కబడ్డీ, కోకో, వాలీబాల్ , యోగా మరియు అథ్లెటిక్స్ క్రీడలు నిర్వహించారు. గ్రామస్థాయి పోటీలలో ప్రతిభ కనబరిచిన క్రీడాకారులు జిల్లా స్థాయిలో పాల్గొనుటకు మండల కేంద్రంలో ఈ పోటీలు నిర్వహిస్తున్నారు.
క్రీడలు ప్రారంభించిన జడ్పీ సీఈవో విద్యాలత మాట్లాడుతూ.. రాష్ట్ర ప్రభుత్వం గ్రామీణ క్రీడాకారులను ప్రోత్సహించి ఉన్నత స్థాయికి ఎదగాలనే లక్ష్యంతో ప్రారంభించిన సీఎం కప్ పోటీలలో విద్యార్థులు, యువకులు తమ సామర్థ్యాన్ని కనబరిచి రాణించాలని తెలిపారు. రాష్ట్ర స్థాయి లో మండల క్రీడాకారులు ప్రతిభ చూపాలని కోరారు. ముఖ్య అతిథిగా హాజరైన ముల్కనూరు ఎస్సై సాయిబాబా మాట్లాడుతూ.. విద్యతో పాటు క్రీడలు మనిషికి శక్తినిస్తాయని తెలిపారు. తహసిల్దార్ ప్రవీణ్ కుమార్ మాట్లాడుతూ.. ఆటలో క్రీడా స్ఫూర్తిని ప్రదర్శిస్తూ విజేతలు, పరాజితులు సోదర భావంతో మెలగాలని సూచించారు.
స్కూల్ గేమ్స్ ఫెడరేషన్ మండల కార్యదర్శి రాజేశ్వరి మరియు క్రీడలకు వేదికగా నిలిచిన పాఠశాల ఫిజికల్ ఎడ్యుకేషన్ టీచర్ మోహన్ ల సారథ్యంలో మండలంలోని వివిధ పాఠశాలల ఫిజికల్ ఎడ్యుకేషన్ టీచర్లు క్రీడా పోటీలకు అంపైర్లు గా వ్యవహరించి ఆటలను నిర్వహించారు.
కరాటే టీచర్ రవళి ఆధ్వర్యంలో కేజీబీవీ పాఠశాల విద్యార్థులు స్టేజీపై ప్రదర్శించిన యోగాసనాలు పలువురిని ఆకట్టుకున్నాయి.
క్రీడా మైదానం లో డాక్టర్ రుబీనా ఆధ్వర్యంలో ఏఎన్ఎం స్వరూప వైద్య శిబిరాన్ని నిర్వహించారు.
ఆటలలో గాయపడిన క్రీడాకారులకు వైద్య సేవలు అందించారు.
ఈ కార్యక్రమంలో పాఠశాల ప్రధానోపాధ్యాయులు ప్రభాకర్ ఎంఈఓ సునీతరాణి, దాతలు కొలుగూరిరాజు, గాజుల వెంకటేశ్వర్లు, చిట్టంపల్లి ఐలయ్య , కోచ్ శంకర్, సీనియర్ క్రీడాకారులు ఎలకపల్లి శ్రీనివాస్ మరియు వ్యాయామ ఉపాధ్యా యులు కరుణాకర్, చంటి, శ్యామ్, స్వప్న ,రణధీర్, దేవేంద్ర ,శారద కృష్ణవేణి, అనిత తదితరులు పాల్గొన్నారు.
Leave a Reply