ముగిసిన మండల స్థాయి సీఎం కప్ క్రీడలు
*ముధోల్ జోర్ధార్ ప్రతినిధి*
మండల కేంద్రమైన ముధోల్ లోని ప్రభుత్వ ఉన్నత పాఠశాల క్రీడా మైదానంలో రెండు రోజుల నుండి జరుగుతున్న మండల స్థాయి సీఎం కప్ క్రీడలు ముగిశాయి. మండలంలోని 10 గ్రామ పంచాయతీల నుండి మొత్తం 300 మంది విద్యార్థులు పాల్గొన్నారు. కబడ్డీ బాలుర తరోడా తండా ప్రథమ స్థానం, విట్టోలి తండా ద్వితీయ స్థానంలో నిలిచింది. అదేవిధంగా కబడ్డీ బాలికల విభాగంలో అష్ట ప్రథమ స్థానం, ముధోల్ ద్వితీయ స్థానం, వాలీబాల్ బాలురు ఎడ్బిడ్ ప్రథమ స్థానం, ముధోల్ రెండవ స్థానం, వాలీబాల్ బాలికలు విటోలి తాండ మొదటి స్థానం, ముధోల్ రెండవ స్థానం, ఖో ఖో బాలురు అష్ట ప్రథమ స్థానం, విటోలి తండా రెండవ స్థానం, ఖో ఖో బాలికలు ఆష్ట ప్రథమ స్థానం, ఎడ్బిడ్ ద్వితీయ స్థానంలో నిలిచారు. పోటీల్లో గెలుపొందిన విద్యార్థిని విద్యార్థులకుతహసిల్దార్ శ్రీకాంత్ -ఎంపీడీవో శివకుమార్ బహుమతులను అందించారు. ఈ సందర్భంగా వారు మాట్లాడుతూ విద్యార్థుల్లో క్రీడా స్ఫూర్తిని పెంపొందించేందుకు మండల స్థాయి సీఎం కప్ క్రీడలు దోహదపడతాయని తెలిపారు. క్రీడలతో శారీరక- మానసిక ఆరోగ్యాన్ని పెంపొందించుకోవచ్చు అని పేర్కొన్నారు. ఈ కార్యక్రమంలో ప్రభుత్వ ఉన్నత పాఠశాల ఇన్చార్జి ప్రధానోపాధ్యాయులు శ్రీనివాస్, ఉపాధ్యాయులు, విద్యార్థులు, విద్యార్థినిలు, తదితరులు పాల్గొన్నారు.
Leave a Reply