భీమదేవరపల్లి లో ప్రారంభమైన సీఎం కప్ పోటీలు
భీమదేవరపల్లి జోర్దార్ విలేఖరి
తెలంగాణ ప్రభుత్వం రాష్ట్రవ్యాప్తంగా అట్టహాసంగా నిర్వహిస్తున్న సీఎం కప్-2024 పోటీలు గ్రామస్థాయి లో నేడు భీమదేవరపల్లి ఉన్నత పాఠశాల క్రీడా మైదానంలో స్తానిక గ్రామ పంచాయతీ కార్యదర్శి సురేందర్ మరియు జిహెచ్ఎం ప్రభాకర్ ఆధ్వర్యంలో ప్రారంభమైనాయి. స్పోర్ట్స్ అథారిటీ ఆఫ్ తెలంగాణ నిర్వహిస్తున్న ఈ పోటీలో పాఠశాల వ్యాయామ ఉపాధ్యాయుడు ఏ .మోహన్ వివిధ క్రీడలను నిర్వహించి మండల స్థాయి పోటీలకు క్రీడాకారులను ఎంపిక చేశారు.
ఈ కార్యక్రమంలో ముఖ్య అతిథులుగా పాల్గొన్న ఎంపీడీవో వీరేశం మాట్లాడుతూ.. గ్రామీణ క్రీడాకారులను గుర్తించి ఒలంపిక్ స్థాయి దాకా వారిని తీర్చిదిద్దాలనే లక్ష్యంతో రాష్ట్ర ప్రభుత్వం ఈ క్రీడలను నిర్వహిస్తున్నదని తెలిపారు. క్రీడా స్ఫూర్తిని ప్రదర్శిస్తూ గ్రామస్తులు అందరూ ఉల్లాస వాతావరణం లో ఈ పోటీలో పాల్గొనాలని కోరారు.
ఎంఈఓ సునీత రాణి మాట్లాడుతూ.. ఆరోగ్యమే మహాభాగ్యం అని, క్రీడలు శారీరక దారుఢ్యాన్ని ఇనుమడింపజేస్తాయని తెలిపారు. తహసిల్దార్ ప్రవీణ్ కుమార్ మైదానంలో క్రీడాకారులను పరిచయం చేస్తూ సీఎం కప్ పోటీలను ప్రారంభించారు.
ఈ కార్యక్రమంలో కేజీబీవీ వ్యాయామ ఉపాధ్యాయురాలు శారద, సీనియర్ క్రీడాకారులు శ్రీనివాస్, వెంకటేశ్వర్లు, రజినీకాంత్, కోచ్ శంకర్, మండల కాంగ్రెస్ అధ్యక్షులు చిట్టంపల్లి ఐలయ్య, పాఠశాల ఉపాధ్యాయులు, విద్యార్థులు, గ్రామస్తులు పాల్గొన్నారు.
Leave a Reply