పాల్వంచ ప్రభుత్వ ఆసుపత్రి కి జాతీయ స్థాయి ఎన్ క్యూ ఏ ఎస్ అవార్డు
వైద్య సిబ్బందికి జిల్లా కలెక్టర్ ప్రశంస
నెలకి వంద ప్రసవాలు.. సంక్లిష్టమైన ఆపరేషన్లకు కేరాఫ్ అడ్రస్.
భద్రాద్రి జోర్దార్ ప్రతినిధి.
పాల్వంచ ప్రభుత్వ ఆసుపత్రి లో రోగులకు మెరుగైన వైద్య సేవలు అందించినందుకు గాను, జాతీయస్థాయి ఎన్. క్యూ.ఏ ఎస్. సర్టిఫికేషన్ పొందిన సందర్భంగా జిల్లా కలెక్టర్ జితేష్ వి పాటిల్ వైద్య సిబ్బందిని అభినందించారు. ఆసుపత్రి లో మెరుగైన సేవలకు కృషిచేసిన డిసిహెచ్ఎస్ డాక్టర్ రవిబాబు, మెడికల్ ఆఫీసర్ డాక్టర్ రాంప్రసాద్ మరియు వైద్య సిబ్బందిని ఆయన అభినందించారు. ఖరీదైన, సంక్లిష్టమైన మోకాళ్ళ కీళ్ల మార్పిడి శస్త్ర చికిత్స నిర్వహించటం, రొమ్ము క్యాన్సర్ తో బాధపడుతున్న 60 ఏళ్ల మహిళకు, పాల్వంచ ప్రభుత్వ ఆసుపత్రిలో శస్త్ర చికిత్స నిర్వహించడం పట్ల జిల్లా కలెక్టర్ హర్షం వ్యక్తం చేశారు. ఇందుకు విశేష కృషి చేసిన ప్రసూతి వైద్యురాలు డాక్టర్ సరళ, డాక్టర్ సోమరాజు దొర మరియు డాక్టర్ శైలేష్ కుమార్ లను ప్రత్యేకంగా అభినందించారు. ఇప్పటికే రూ.78 లక్షలు ఎమ్మెల్యే డిఎంఎఫ్టీ ఫండ్ తో ఆసుపత్రికి కావలసిన సామాగ్రిని కొనుగోలు చేయుటకు టెండర్లు పిలవగా, ఆసుపత్రిలో మహిళా శక్తి క్యాంటీన్ , ఓపెన్ జిమ్, త్వరలో ఏర్పాటు కానున్నాయి. ప్రజలకు అన్ని రకాల వైద్య సదుపాయాలు అందించడంలో ఎటువంటి సహాయం కావాలన్నా తానున్నాను అని, జిల్లా కలెక్టర్ భరోసా ఇచ్చారు. ఇదే స్ఫూర్తితో భవిష్యత్తులో కూడా మెరుగైన వైద్య సేవలు అందించాలని ఆయన సూచించారు. ఈ కార్యక్రమంలో ఆసుపత్రి సూపరింటెండెంట్ లక్ష్మి, వైద్యులు,స్టాప్ నర్సులు, మరియు ఇతర సిబ్బంది పాల్గొన్నారు.
Leave a Reply