కేయూ వ్యాసరచన, వక్తృత్వ పోటీలలో విజేతలు వీరే

కేయూ వ్యాసరచన, వక్తృత్వ పోటీలలో విజేతలు వీరే…

కేయూ వీసీ, రిజిస్ట్రార్ ల చేతుల మీదుగా బహుమతులు….

వరంగల్, 26 జనవరి 2026: కాకతీయ విశ్వవిద్యాలయం, తెలంగాణ రాష్ట్ర ప్రభుత్వ ఆదేశాల మేరకు, వందేమాతరం 150వ వార్షికోత్సవంను పురస్కరించుకుని విద్యార్థుల కోసం వ్యాసరచన మరియు వక్తృత్వ పోటీలు నిర్వహించింది. ఈ పోటీలలో విద్యార్థులు ఉత్సాహంగా పాల్గొని తమ దేశభక్తిని, ప్రతిభను ప్రతిబింబించారు.

వ్యాస రచన పోటీల్లో పాల్గొన్న విద్యార్థులు

కాకతీయ విశ్వవిద్యాలయం నిర్వహించిన వందేమాతరం 150వ వార్షికోత్సవం సందర్భంగా జరిగిన వ్యాసరచన పోటీలో విద్యార్థులు తమ ప్రతిభను ప్రదర్శించారు. ఈ పోటీలో మొదటి బహుమతిని ఏ. సాయి శివాని (కేయూ కాలేజీ ఆఫ్ ఇంజనీరింగ్ టెక్నాలజీ) గెలుచుకున్నారు. రెండవ బహుమతి కె. శేఖర్ (సైకాలజీ విభాగం) కి లభించింది. మూడవ బహుమతి బి. అఖిల (కంప్యూటర్ సైన్స్ విభాగం) కి దక్కింది. అదనంగా, ఆర్. సంధ్యారాణి (యునివర్సిటీ కాలేజీ ఆఫ్ లా) కి కన్సొలేషన్ బహుమతి అందజేయబడింది.

అదేవిధంగా, వక్తృత్వ పోటీలో విద్యార్థులు దేశభక్తి భావాలను ఉత్సాహంగా వ్యక్తపరిచారు. మొదటి బహుమతిని కుదురుపాక శ్రీను (రాజనీతి శాస్ర విభాగం) గెలుచుకున్నారు. రెండవ బహుమతి జె. శివాజీ గణేశన్ (యునివర్సిటీ లా కాలేజీ) కి లభించింది. మూడవ బహుమతి సమ్రీన్ (బయోటెక్నాలజీ విభాగం) కి దక్కింది. కన్సొలేషన్ బహుమతిని జె. శ్రీనివాస్ (తెలుగు విభాగం) అందుకున్నారు. ఈ పోటీలు విద్యార్థుల్లో దేశభక్తి, సాంస్కృతిక గర్వం, మరియు వక్తృత్వ ప్రతిభను వెలికితీసే వేదికగా నిలిచాయి. గెలుపొందిన వారందరికీ సర్టిఫికేట్ మరియు దేశభక్తికి సంబందించిన పుస్తకాలు బహుమతులుగా అందచేసారు.

జడ్జీగా వ్యవహరించిన రామేశ్వరం, రిటైర్డ్ ప్రొఫెసర్ కేయూ

ఈ పోటీలకు న్యాయనిర్ణేతలుగా ప్రొఫెసర్ జి. రామేశ్వరం, రిటైర్డ్ ప్రొఫెసర్ మరియు డాక్టర్ బి. సంజీవరావు, రిటైర్డ్ ప్రొఫెసర్, జీడీసీ హన్మకొండ వ్యవహరించారు. కార్యక్రమానికి డైరెక్టర్‌గా ప్రొఫెసర్ ఎస్తారి మమిడాల, డీన్ స్టూడెంట్ అఫైర్స్ బాధ్యతలు నిర్వర్తించగా, డాక్టర్ రాధిక, యువ సంక్షేమ అధికారి సమన్వయకర్తగా వ్యవహరించారు. విజేతలకు బహుమతులు 26 జనవరి రోజు జరిగిన గణతంత్ర దినోత్సవ వేడుకలలో విశ్వవిద్యాలయం ప్రధాన జెండా ఆవిష్కరణ వేదిక వద్ద, గౌరవనీయులైన వైస్-చాన్సలర్ మరియు రిజిస్ట్రార్ సమక్షంలో అందజేయబడ్డాయి.