శాస్త్ర విజ్ఞానం ప్రపంచాన్ని మారుస్తుంది: ఎంఈఓ సునీత రాణి
భీమదేవరపల్లి జోర్దార్ విలేఖరి
పాఠశాల విద్యార్థులకు తెలంగాణ బయాలజి సైన్స్ ఫోరం ఆధ్వర్యంలో భీమదేవరపల్లి మండల కేంద్రంలోని ఉన్నత పాఠశాలలో టాలెంట్ టెస్ట్ నిర్వహించారు. ప్రశ్న పత్రాన్ని విడుదల చేసిన ఎంఈఓ సునీత రాణి ప్రసంగిస్తూ.. నేడు శాస్త్ర విజ్ఞానం వేగంగా అభివృద్ధి చెందుతూ మానవ జీవితాలను ఎంతో మెరుగు పరుస్తోందని తెలిపారు. విద్యార్థులు జీవశాస్త్ర పరిజ్ఞానాన్ని ఉపయోగించి ఆరోగ్యకరంగా జీవించాలని ఆమె కోరారు. పరీక్షల నిర్వాహకుడు జీవశాస్త్రం బోధకుడు అటుకుల శ్రీనివాసరెడ్డి మాట్లాడుతూ.. ప్రతిభాపాటవ పరీక్షలు విద్యార్థుల్లో ఆత్మ స్థైర్యాన్ని నింపి ఫైనల్ పరీక్షలకు దిక్సూచిలా పనిచేస్తాయని పేర్కొన్నారు.
ఈ పోటీ పరీక్షలో మోడల్ పాఠశాలకు చెందిన అక్షయ, గట్ల నర్సింగాపూర్ ఉన్నత పాఠశాలకు చెందిన రామకృష్ణ, ఆశ్రిత సాయి మరియు కొత్తకొండ ఉన్నత పాఠశాలకు చెందిన దిలీప్ అత్యధిక మార్కులు సాధించి జిల్లా స్థాయి పోటీలకు ఎంపికయ్యారు.
ఈ కార్యక్రమంలో స్థానిక పాఠశాల జిహెచ్ఎం ప్రభాకర్, ఉపాధ్యాయులు శ్రీకాంత్, శ్రీనివాస రెడ్డి మరియు సైన్స్ ఉపాధ్యాయులు కృష్ణమూర్తి , స్వరూప ,సుందర్ సునీల్ , చిరంజీవి తదితరులు పాల్గొన్నారు.













Leave a Reply