ప్రభుత్వ కార్యాలయాల్లో డిటిఎఫ్ క్యాలెండర్ల పంపిణీ

*ప్రభుత్వ కార్యాలయాల్లో డిటిఎఫ్ క్యాలెండర్ల పంపిణీ*

భీమదేవరపల్లి జోర్దార్ విలేఖరి

డెమొక్రటిక్ టీచర్స్ ఫెడరేషన్ భీమదేవరపల్లి మండల శాఖ ఆధ్వర్యంలో డిటిఎఫ్ సంస్థ రూపొందించిన 2025 సంవత్సరం నూతన క్యాలెండర్ ను వివిధ ప్రభుత్వ కార్యాలయాల్లో పంపిణీ చేశారు. డిటిఎఫ్ మండల శాఖ అధ్యక్ష కార్యదర్శులు దాసరి రవీందర్, అశోక్ కుమార్ ల ఆధ్వర్యంలో మండలంలోని ప్రభుత్వ ఎం ఆర్ సి, ఎస్టీవో ,ఎంపీడీవో, తహసిల్దార్ కార్యాలయాల్లో డిటిఎఫ్ ప్రచురించిన టేబుల్ మరియు వాల్ క్యాలెండర్లను పంపిణీ చేశారు.
ఈ సందర్భంగా డిటిఎఫ్ రాష్ట్ర కార్యదర్శి అటుకుల శ్రీనివాస్ రెడ్డి ప్రభుత్వ కార్యాలయాల్లోని ఉద్యోగులందరికీ నూతన సంవత్సర శుభాకాంక్షలు తెలియజేశారు. తాము నిజాయితీగా పనిచేసే ఉద్యోగులకు అండగా నిలుస్తామని అదే సమయంలో అవినీతికి పాల్పడితే వ్యతిరేకిస్తామని ఆయన తెలిపారు. సుహృద్భావ వాతావరణంలో అధికారులు పనిచేస్తూ ఉపాధ్యాయుల సమస్యలను పరిష్కరించాలని వారు కోరారు. ఈ కార్యక్రమంలో డిటిఎఫ్ జిల్లా కౌన్సిలర్ శ్రీకాంత్, నవీన్ కుమార్, గొర్రె చిరంజీవి , జిహెచ్ఎం ప్రభాకర్ , సీనియర్ ఉపాధ్యాయులు శ్రీనివాస్ రెడ్డి, సమ్మిరెడ్డి తదితరులు పాల్గొన్నారు.