- మరో బాధితురాలు అన్నపూర్ణ
- శ్రీధర్ లోతు ను ఉద్యోగం నుండి తొలగించాలని డిమాండ్
- చర్యలకు ఎందుకీ ఉపేక్ష?
- ఇంకా ఎన్ని తప్పులకు అవకాశం ఇస్తారు…
వరంగల్ జోర్ధార్ ప్రతినిధి: ఇటీవల కాకతీయ యూనివర్శిటీ తెలుగు విభాగం ప్రో. జ్యోతి నీ దుర్భాష లాడుతూ భయ పెట్టిన సంఘటన మరువక ముందే శ్రీధర్ లోతు పై మరో ఫిర్యాదు నమోదయింది. యూనివర్సిటీ పీ.జీ మహిళా కళాశాలలో పార్ట్ టైం అధ్యాపకురాలిగా విధులు నిర్వహిస్తున్న తుప్పం అన్నపూర్ణ కేయూ రిజిస్ట్రార్ కు శ్రీధర్ లోతు పై చేసిన ఫిర్యాదు ఆలస్యంగా వెలుగులోకి వచ్చింది.
ఫిర్యాదు వివరాలు ఇలా ఉన్నాయి….
గత 14 సంవత్సరాలుగా పార్ట్ టైం అధ్యాపకురాలిగా పీ.జీ మహిళా కళాశాల తెలుగు విభాగంలో పని చేస్తున్న అన్నపూర్ణ క్యాంపస్ తెలుగు విభాగానికి బదిలీ చేయాలని చాలా రోజుల క్రితం తెలుగు విభాగం హెడ్ మరియు డీన్ కు దరఖాస్తు చేసుకోగా ఇటీవల డీన్ మరియు హెడ్ గా విధులు నిర్వహిస్తున్న ప్రో.జ్యోతి డిపార్ట్ మెంటల్ కమిటీ ద్వారా అన్నపూర్ణ బదిలీని ఖరారు చేసి రిజిస్ట్రార్ కు పంపగా వాటికి సంబంధించిన ఉత్తర్వులు వెలువడకుండా ఒప్పంద అధ్యాపకుల అసోసియేషన్ నాయకుడిగా చెలామణి అవుతున్న ఎకనామిక్స్ విభాగానికి చెందిన శ్రీధర్ లోతు అడ్డుపడుతున్నారని, అప్ట్రాల్ పార్ట్ టైం అని నా ఉద్యోగాన్ని కించపరిస్తున్నాడనీ, కేవలం దళిత మహిల్ అన్న కారణంతో నన్ను మనో వేదనకు గురిచేస్తున్నారని అన్నపూర్ణ తన ఫిర్యాదులో పేర్కొన్నారు. శ్రీధర్ లోతుతో తనకు ప్రాణ భయం వుందని తన ఉద్యోగ భద్రతకు అడ్డు తగులుతున్నాడని, వెంటనే శ్రీధర్ లోతుపై చర్యలు తీసుకోవాలని రిజిస్ట్రార్ కు ఇచ్చిన ఫిర్యాదులో అన్నపూర్ణ తెలిపారు.
మొన్న ప్రో.జ్యోతి ఇప్పుడు అన్నపూర్ణ…..
ఒప్పంద అధ్యాపకుల అసోసియేషన్ కు అధ్యక్షులు కాకున్నా అధ్యక్షులుగా చెప్పుకుంటూ ఇలా మహిళలను కించ పరుస్తూ, మానసిక వేధనలకి గురిచేస్తూ భయ భ్రాంతులను చేయడం శ్రీధర్ లోతుకు కొత్తేమీ కాదని పలువురు అధ్యాపకులు అంటున్నారు. ఈ మేరకు ఈరోజు రిజిస్ట్రార్ ను కలిసి కొందరు ఒప్పంద అధ్యాపకులు శ్రీధర్ లోతుకు మరియు ఒప్పంద అధ్యాపకుల అసోసియేషన్ కు ఎటువంటి సంబంధం లేదని చెప్పినట్లు సమాచారం. గతంలో మాజీ వీసీ రమేష్ హయంలో కొందరికి పాలన పదవులు ఇప్పించేందుకు మాజీ వీసీ రమేష్ కు అనోయాయుడిగా వుంటూ అందరితో ఒప్పందాలు కుదుర్చుకుని ఒకవేళ మాట వినకుంటే బదిలీలు చేయిస్తానని భయపెట్టి అధ్యాపకులను వేదనలకు గురిచేసాదని సమాచారం. పాలన భవనం ముందర దీక్షలు చేస్తున్న అధ్యాపకులను దీక్ష విరమణ చేయకుంటే షో కాజ్ నోటీసులు వీసీ రమేష్ తో చెప్పి ఇప్పిస్తానని బెదిరించి దీక్షను విరమింప చేశాడని ఆరోపణలు వున్నాయి. పీ.ఎచ్.డీ అడ్మిషన్ల పేరు మీద వీసీ రమేష్ కొరకు అనేక వసూళ్లకు పాల్పడ్డట్లు విద్యార్థి సంఘాలు బహిరంగంగానే విమర్శించాయి.. ఇలాంటి వాటిని కఠినంగా శిక్షించాలని అందరూ అభిప్రాయ పడుతున్నారు. ఇటీవల ప్రో.జ్యోతిని దుర్భాశ లాడగా క్షమాపణ పత్రం మాల అసోసియేషన్ బాధ్యులు రాయించినప్పిటికీ ప్రో.జ్యోతి ఘటనలో కేయూ టీచర్స్ సంఘం (ఆకుట్) ప్రో.జ్యోతికి మద్దతు పలకడంతో ఇటీవల శ్రీధర్ లోతుకు షోకాజ్ నోటీసులు కూడా ఇచ్చారు. ఈ ఘటన మరవక ముందే మరో బాధితురాలు అన్నపూర్ణ శ్రీధర్ లోతు పై ఫిర్యాదు చేయడం చర్చనీయాంశం అయింది
ఎలక్షన్ కమీషన్ నిబంధనలు ఉల్లంఘన….
ఇటీవల జిల్లా కలెక్టర్ శ్రీధర్ లోతు పై ఏం.అర్.వో తో విచారణ చేయించి ఎలక్షన్ కోడ్ ఉల్లంఘనకు పాల్పడ్డట్లు నిర్ధారించి కేయూ వీసీ, రిజిస్ట్రార్ లకు చర్యలు తీసుకోవాలని ఉత్తర్వులు జారీ చేసినప్పటికీ, అప్పుడు వీసీ రమేష్ కోసం పని చేసిన శ్రీధర్ లోతుపై ఎటువంటి చర్యలు తీసుకోకపోవడంతో ఆగడాలు ఎక్కువయ్యాయని అంటున్నారు. ప్రస్తుత ఇన్చార్జి వీసీ వాకాటి కరుణ దృష్టికి ఎలక్షన్ కోడ్ ఉల్లంఘన విషయం, కలెక్టర్ ఉత్తర్వులు జారీ చేసిన విషయం వివిధ విద్యార్థి సంఘాలు దృష్టికి తీసుకువెళ్ళిన వాకాటి కరుణ శ్రీధర్ లోతును కాపాడడంతోనే ఇటువంటి ఘటనలు యూనివర్సిటీ లో చోటు చేసుకుంటున్నాయని అంటున్నారు.
తప్పుడు ప్రెస్ నోట్ పై చర్యలేవి…..
అక్రమాలకు పాల్పడిన మాజీ వీసీ రమేష్ పై ప్రభుత్వం విజిలెన్స్ విచారణకు ఆదేశించడంతో మాజీ వీసీ రమేష్ యూనివర్సిటీ కు తన పదవీ కాలం చివరి రోజుల్లో రాకుండా అబ్స్కాండింగ్ అయ్యారు. ఈ సందర్భంలో శ్రీధర్ లోతు తప్పుడు ప్రెస్ నోట్ ఇచ్చినట్లు నిర్థారణ జరిగిందని సమాచారం. ఫార్మసీ కళాశాలలో ఒప్పంద అధ్యాపకుల అసోసియేషన్ తరుపున సమావేశం పెట్టినట్టు ప్రెస్ నోట్ ఇవ్వడంపై రిజిస్ట్రార్ ప్రో.మల్లారెడ్డి విచారణ చేయడంతో విషయం బయట పడింది. ఫార్మసీ కాలేజీ ప్రిన్సిపాల్ తో వివరణ తీసుకున్న రిజిస్ట్రార్ శ్రీధర్ లోతు ఎటువంటి సమావేశం పెట్టకుండా సమావేశం పెట్టినట్టు పాత ఫోటో ప్రెస్ నోట్ పంపి వార్తా పత్రికల్లో రాయించుకున్నట్టు నిర్ధారణ చేశారు. అప్పుడే చర్యలు తీసుకొని వుంటే ఇటువంటి ఘటనలు జరిగి వుండేవి కావని రిజిస్ట్రార్ తీరుపై అందరు అసహనం వ్యక్తం చేస్తున్నారు. ఇప్పటికయినా ఇటువంటి సంఘా విద్రోహ శక్తులపై కఠిన చర్యలు తీసుకోవాలని విద్యార్థి, అధ్యాపక సంఘాలు డిమాండ్ చేస్తున్నాయి
Leave a Reply