ఎట్టకేలకు కేయూ దక్కించుకున్న సెట్

ఐసెట్ 2024 కుంభకోణంలో ఎవరు పాత్రధారులు?

విద్యామండలి ఉద్యోగులేనా ఐసెట్ కుంభకోణానికి కారకులు…?

ఎడిసెట్ కన్వీనర్ గా ప్రో. వెంకట్రామ్ రెడ్డి…

17 డిసెంబర్ 2024: జోర్ధార్ హైద్రాబాద్ ప్రతినిధి:

కాకతీయ యూనివర్సిటీతో బాటు మిగితా ఐదు వర్సిటీల ప్రొఫెసర్లను మొత్తం 7 సెట్ పరీక్షల నిర్వహణ కొరకు కన్వీనర్ల నియామకం రాష్ట్ర ఉన్నత విద్యా మండలి చైర్మన్ ప్రో. బాల కిష్ఠా రెడ్డి ఉత్తర్వులు జారీ చేసారు. ఈసెట్, లాసెట్ నిర్వహణ బాధ్యతలను ఉస్మానియా యూనివర్సిటీకి, ఎప్సెట్, పీజీఈసెట్ నిర్వహణ కొరకు జే.ఎన్.టీ.యూ.ఎచ్ కి, ఐసెట్ మహాత్మా గాంధీ వర్సిటీకి, పెసీట్ పాలమూరు వర్సిటీకి, ఎడ్సెట్ కాకతీయ యూనివర్సిటీకి అప్పగించారు.

ఐసెట్ నుండి ఏడ్సెట్….

గత 13 సంవత్సరాలుగా కాకతీయ యూనివర్సిటీ ప్రొఫెసర్లు ఐసెట్ పరీక్షలకు కన్వీనర్ గా వుంటున్నారు. ఈ సారి ఐసెట్ పరీక్షల నిర్వహణలో కేయూ కామర్స్ ప్రొఫెసర్ ఎన్. నరసింహా చారీ 40 లక్షల అవకతవకలకు పాల్పడ్డారని ఆరోపణలు రావడంతో ఈసారి ఐసెట్ పరీక్షల నిర్వహణ మార్చినట్లు చర్చ జరుగుతుంది. ఇటీవల ప్రో. నరసింహా చారీ ను కేయూ కంట్రోలర్ పదవీ నుండి తొలగించడంతో ఐసెట్ నిర్వహణ బాధ్యత కేయూ కు రాకపోవచ్చని అందరూ అనుకున్నారు. అనుకున్నట్టుగానే ఐసెట్ బాధ్యతలను కేయూ నుండి మార్చి మహాత్మా గాంధీ వర్సిటీకి ఇచ్చారు.

ఉన్నత విద్యా మండలి కార్యాలయంలోనే ప్రారంభం అయిన ఐసెట్ కుంభకోణం….

ఎన్నడూ లేని విధంగా ఐసెట్ నిర్వహణలో 40 లక్షల అవకతవకలకు మూలం ఉన్నత విద్యా మండలి కార్యాలయంలో పని చేసే కొందరు కార్యాలయ సిబ్బంది అనే ఆరోపణలు వస్తున్నాయి. వీరి అండ దండలతో ప్రో. చారి అవకతవకలకు పాల్పడ్డట్లు అనుమానాలు వస్తున్నట్లు విద్యార్థి సంఘాలు ఆరోపిస్తున్నారు. ఇలాంటి అవకతవకలకు విద్యా మండలి ఉద్యోగులే పాల్పడడంతో ప్రో. చారీ మీద గల ఐసెట్ కుంభకోణం పై విచారణ దాటి వేసే ప్రయత్నాలు చేస్తున్నారని విద్యార్థి సంఘాలు అభిప్రాయ పడుతున్నారు. ఉన్నత విద్య లో జరిగిన కుంభకోణంపై విచారణ జరపడానికి కమిటీ వేయాల్సిన ఐసెట్ చైర్మన్ ప్రో. బాల కిష్ఠ రెడ్డి అవినీతి పరులను బయట పడకుండా కాపాడుతున్నారని ఆరోపణలు వస్తున్నాయి. విచారణ కమిటీ వేస్తే ఇంటి గుట్టు రట్టు అవుతుందని చైర్మన్ విచారణ కమిటీ నియామకాన్ని ఆపినట్టు చర్చ జరుగుతుంది. ఇప్పటి కైనా విచారణ కమిటీ వేసి ప్రభుత్వ ధనాన్ని కాపాడి, పరీక్షల నిర్వహణపై నమ్మకం కలిగించాలని విద్యార్థి సంఘాలు కోరుకుంటున్నాయి.

ఎడ్సెట్ కన్వీనర్ గా కేయూ ప్రొఫెసర్….

ఎడ్సెట్ కన్వీనర్ గా కేయూ ఫిజిక్స్ విభాగ ప్రొఫెసర్ వెంకట్రాం రెడ్డి నీ నియమించారు. పరీక్షల నిర్వహణ బాధ్యతల్లో అనుభవం లేని ప్రొఫెసర్లకు అదనంగా కో కన్వీనర్ లను కూడా నియమించనున్నట్లు తెలుస్తుంది. ప్రో. రెడ్డి గతంలో కేయూ రిజిస్ట్రార్ గా, కంట్రోలర్ ఆఫ్ ఎగ్జామినేషన్ గా పని చేశారు. వీరి నియామకం పట్ల కేయూ ప్రొఫెసర్లు హర్షం వ్యక్తం చేస్తున్నారు.