భీమదేవరపల్లి ఉన్నత పాఠశాలలో గణిత దినోత్సవం

*భీమదేవరపల్లి ఉన్నత పాఠశాలలో శ్రీనివాస రామానుజం జయంతి వేడుకలు*

భీమదేవరపల్లి జోర్దార్ విలేఖరి

ప్రఖ్యాత భారతీయ గణిత శాస్త్రవేత్త శ్రీనివాస రామానుజన్ జయంతి వేడుకలను భీమదేవరపల్లి జిల్లా పరిషత్ ఉన్నత పాఠశాలలో ఉపాధ్యాయులు, విద్యార్థులు ఘనంగా జరుపుకున్నారు. ఈ సందర్భంగా కేక్ కట్ చేసి విద్యార్థులకు పండ్లను పంపిణీ చేశారు. అనంతరం ఏర్పాటు చేసిన సమావేశంలో ఉపాధ్యాయులు మాట్లాడుతూ.. గణితం నిరంతరం సాధన చేస్తేనే సులువుగా అర్థమవుతుందని లేదంటే విద్యార్థులకు కష్టతరమైన సబ్జెక్టుగా మిగిలిపోతుందని తెలిపారు. మనం నిత్య జీవితంలోని అనేక విషయాలు గణితంతో సంబంధం కలిగి ఉంటాయని వాటిని విద్యార్థులు పరిశీలించి అన్వయిస్తే మంచి విజయం సాధించగలరని పేర్కొన్నారు. విద్యార్థులలో గణితం తార్కిక సామర్థ్యాన్ని పెంచుతుందని అందుకే గణితాన్ని కష్టంగా కాకుండా ఇష్టంతో సాధన చేస్తే మంచి ఫలితం ఉంటుందని వారు తెలిపారు. ఈ కార్యక్రమంలో విద్యార్థులు తమ గణిత ఉపాధ్యాయులైన ఎల్లయ్య, స్టాలిన్ బేగ్ లను సత్కరించారు.
ఈ కార్యక్రమంలో పాఠశాల ప్రధానోపాధ్యాయులు డి. ప్రభాకర్ , సీనియర్ ఉపాధ్యాయులు శ్రీకాంత్, రాజేందర్, సుధారాణి, మహంకాళి, శ్రీధర్ రెడ్డి తదితరులు పాల్గొన్నారు.