విచిత్ర వేషధారణలతో సమగ్ర శిక్షా ఉద్యోగుల నిరసన

బోనాలు, పోతరాజుల ఆకృతుల్లో ఎస్ ఎస్ ఏ ఉద్యోగుల నిరసన

ఉద్యోగుల సమ్మెకు చల్ల నారాయణరెడ్డి సంఘీభావం

భూపాలపల్లి జోర్దార్ ప్రతినిధి

ఉద్యోగాలను క్రమబద్ధీకరించాలని విద్యాశాఖ సమగ్ర శిక్షా విభాగం కాంట్రాక్ట్ ఉపాధ్యాయులు, ఉద్యోగులు కలెక్టరేట్ ఎదుట చేస్తున్న సమ్మె శుక్రవారం 11వ రోజుకు చేరుకుంది. బిజెపి రాష్ట్ర నాయకులు చల్ల నారాయణరెడ్డి ఉద్యోగుల సమ్మెకు మద్దతు తెలిపి దీక్షలో పాల్గొన్నారు. పోతరాజుల వేషధారణ, బోనాలతో సమగ్ర శిక్ష ఉద్యోగులు భారీ ర్యాలీ తీశారు. మహిళా అధ్యక్షురాలు చల్ల సునీత బోనాల పాటను రచించి పాడటం జరిగింది.

చిట్యాల, టేకుమట్లకు చెందిన కుమార్, భాస్కర్ పోతరాజుల వేషధారణలు ఆకట్టుకున్నాయి,

కేజీబీవీ స్పెషల్ ఆఫీసర్ చల్ల సునీత, నాగపురి స్వప్న, చంద్రకళ, కనక లక్ష్మి నెత్తిన బోనాలు ఎత్తుకొని భూపాలపల్లి రోడ్డు మైసమ్మ ఆలయం వద్దకు సమగ్ర శిక్షా ఉద్యోగులతో ర్యాలీగా వెళ్లారు. ఎన్నికల ముందు ముఖ్యమంత్రి రేవంత్ రెడ్డి ఇచ్చిన హామీలను అమలు చేయాలని వారు డిమాండ్ చేశారు. అంతకు ముందు రాష్ట్ర అసోసియేట్ అధ్యక్షులు రేగుల సహదేవ్, కంకలరాజయ్య, క్రాంతికుమార్, జానకి రామ్ హాజరై మాట్లాడుతూ… గత 18 సంవత్సరాలుగా సేవలందిస్తున్న తమకు ఉద్యోగ భద్రత కల్పించాలని డిమాండ్ చేశారు. కాంగ్రెస్ అధికారంలోకి వస్తే రెగ్యులర్ చేస్తామని రేవంత్ రెడ్డి మాటిచ్చారని తెలిపారు. ఏడాది పూర్తయినా సీఎం పట్టించుకోకవడం దారుణమన్నారు. ప్రభుత్వం స్పందించి అసెంబ్లీ సమావేశాల్లో 19,600 మంది సమగ్ర శిక్షా ఉద్యోగులకు భద్రత కల్పించాలని డిమాండ్ చేశారు. ఉద్యోగ విరమణ చేసేవారికి రూ.20 లక్షలు ఇవ్వాలని డిమాండ్ చేశారు. అధ్యక్ష, కార్యదర్శి ఎం.డీ చాంద్ పాషా, తోకల వేణు, మహిళా అధ్యక్షురాలు చల్ల సునీత, ఎస్ వో మనోరమ, మహేందర్, సుదర్శన్, చంద్రకళ, తిరుపతి,రాజు, నరేష్, శ్రీనివాస్,అసిఫ్ మరియు సభ్యులు పాల్గొన్నారు.