కరీంనగర్ డీఈఓ పై ఆర్జెడి విచారణ*
కరీంనగర్ జోర్దార్ ప్రతినిధి
డిసెంబర్ 17వ తేదీన కరీంనగర్ జిల్లా విద్యాధికారి కార్యాలయంలో డీఈవో జనార్దన్ రావు పై వివిధ ఉపాధ్యాయ సంఘాలు ఇచ్చిన ఫిర్యాదు మేరకు ఆర్జేడి కె.సత్యనారాయణ రెడ్డి విచారణ నిర్వహించారు. డిటిఎఫ్ ,టి పి టి ఎఫ్ సంఘాలు సంయుక్తంగా ఇచ్చిన ఫిర్యాదు మేరకు విచారణ చేపట్టడం జరిగింది. ఈ విచారణలో డిఇఓ జనార్దన్ రావు ఉపాధ్యాయులను అక్రమంగా సస్పెండ్ చేసిన అంశాలపై తగిన సాక్ష్యాలతో ఉపాధ్యాయ సంఘాలు ఆర్జేడి కి వివరించారు.
అలాగే డిఇఓ పుట్టిన తేదీ, బి.ఇడి అర్హతలపై గతంలో వచ్చిన అభియోగాలు , అనవసరపు ఫార్మాట్లు రూపొందించి ఉపాధ్యాయుల పై పని భారాన్ని పెంచడమే కాకుండా వారిని గందరగోళానికి గురి చేస్తున్న పరిస్థితిని వివరించడం జరిగింది.
గత పదోన్నతుల్లో స్కూల్ అసిస్టెంట్ విభాగంలో వివిధ సబ్జెక్టుల్లో జరిగిన అవక తవకలను, 317 జీవో అమలులో జరిగిన తప్పిదాలను ,కొంతమంది ప్రధానోపాధ్యాయులను తరచుగా ఆన్ డ్యూటీ పేరిట డిఇవో కార్యాలయానికి రప్పిస్తున్న అంశాలను క్షుణ్ణంగా వివరించారు.అలాగే డీఈఓ కార్యాలయంలో లెక్కకు మించి నాన్ టీచింగ్ స్టాఫ్ ను వివిధ పాఠశాల నుండి డిప్యుటేషన్ పై నియమించడం, ఇష్టారీతిన ఒక పాఠశాల నుండి వేరొక పాఠశాలకు నాన్ టీచింగ్ స్టాఫ్ ను డిప్యుటేషన్ పై పంపడం విషయమై పూర్తి వివరాలు అందజేశారు. డిఈఓ జనార్దన్ రావు ఏరోజు కార్యాలయంలో అందుబాటులోఉండకపోవడం, ఫైళ్ళ క్లియరెన్స్ లో తీవ్రజాప్యం మొదలగు అన్ని అంశాలపై ఇచ్చిన ఫిర్యాదు మేరకు విచారణ జరిగింది. విచారణ నివేదికను వీలైనంత తొందరగా ఉన్నతాధికారులకు అందజేయాలని ఉపాధ్యాయ సంఘాలు కోరాయి.
ఈ విచారణలో డిటిఎఫ్ మరియు టిపిటిఎఫ్ సంఘాల పక్షాన వి.రాజిరెడ్డి ,ఆవాల నరహరి ,తూముల తిరుపతి,పి దామోదర్ రెడ్డి, జె.రామచంద్ర రెడ్డి, వి. బాలయ్యలు పాల్గొన్నారు.
Leave a Reply