వరంగల్./ హనుమకొండ జోర్దార్ నిఘా బృందం: కేయూ ఫరిడిలో మొత్తం 24 ఫార్మసీ ప్రైవేటు కాలేజీలు నడుస్తున్నాయి. వీటిలో ఫార్మ్ డీ కోర్సులకు అనుమతి ఇవ్వాలంటే 300 పడకల హాస్పిటల్ తో ఆ ప్రైవేటు కాలేజీలకు ఒప్పందం ఉండాలి. మొత్తం 17 ఫార్మసీ కాలేజీల్లో ఫార్మ్ డీ కోర్సు అనుమతులు ఇచ్చారు. వీటిలో 10 కాలేజీలకు 300 పడకల హాస్పిటల్స్ తో అనుబంధం లేదు. అయినా కాని అక్రమాలకు పాల్పడి వీటికి గతంలో వైస్ చాన్సలర్ గా పని చేసిన ప్రో. రమేష్ అనుమతులు ఇచ్చెట్లు చేశారని దానికి అనుగుణంగా వీసీ కి అనూయాయులయిన వారిని ఇన్స్పెక్షన్ కమిటీలో వేసి ఇన్స్పెక్షన్ చేయించి అక్రమాలకు పాల్పడి అనుమతులు ఇచ్చినట్లు గతంలో ప్రిన్సిపాల్ సెక్రెటరీ కి ఫిర్యాదులు కూడా చేశారు. కనీస సౌకర్యాలు లేని ప్రైవేటు కాలేజీలకు ఇష్టారాజ్యంగా అనుమతులు ఇస్తూ క్యాంపస్ లోని కాలేజీ కి మాత్రం కనీస ల్యాబ్ కు కావాల్సిన పరికరాలను కూడా కొనడం లేదని ఆరోపణలు వెల్లువెత్తుతున్నాయి.
ఇంకా మొదలు కాని ఇన్స్పెక్షన్లు….
ప్రస్తుత అకాడెమిక్ సంవత్సరం ఫార్మసీ కోర్సుల్లో విద్యార్థులు అడ్మిషన్లు జరగాలంటే పీ.సి.ఐ మరియు కేయూ అధికారులు ఆ యా కాలేజీ లో ఫ్యాకల్టీ మరియు ల్యాబ్ సంబందిత విషయాలను పరిశీలించి అనుమతులు ఇవ్వాల్సి వుంటుంది. కాని ఇప్పటి వరకు ఎటువంటి ఇన్స్పెక్షన్ కమిటీని కేయూ అధికారులు వేయకోపోవడం పలు అనుమానాలకు తావిస్తుంది. ఒకవేళ ఇన్స్పెక్షన్ చేయాల్సి వస్తే గతంలో వివిధ కాలేజీల్లో ఫార్మ్ డీ కోర్సుల్లో అక్రమంగా అనుమతులు ఇచ్చినటువంటి వాటిపైన ఫిర్యాదులు ఉన్నందున ఆ కోర్సుకు అనుమతులు ఇవ్వడం కుదరదు. కాబట్టి ఇన్స్పెక్షన్ చేయకోపోతే స్టేటస్ కో వుంటుంది అనే ఆలోచనలో అధికారులు వున్నట్టు తెలుస్తుంది. ఫార్మ్ డీ కోర్సు కు ఫార్మసీ కాలేజేల్లో అనుమతి ఇవ్వాలంటే తప్పకుండ ఆ కాలేజీ 300 పడకల ఆసుపత్రితో తో అనుబంధం కలిగి వుండాలి. కాని ఆరు కాలేజీలకు ఎటువంటి హాస్పిటల్ తో అనుభంధం లేకుండానే లక్షల్లో లంచాలు తీసుకొని కోర్సులకు అనుమతులు ఇచ్చినారనే వార్తా గతంలో సంచనలనం సృష్టించింది.
ఈ సంవత్సరం ఇన్స్పెక్షన్లు చేసి నిబంధనలకు విరుద్ధంగా నడిపబడుతున్న కోర్సులకు ఆ యా కాలేజీల్లో అనుమతులు ఇస్తారా లేదా ఇన్స్పెక్షన్లు చేసి ఆ కాలేజీల్లో ఆ కోర్సులను రద్దు చేస్తారా అనేది వేచి చూడాల్సిందే.
Leave a Reply