సమగ్రశిక్షా ఉద్యోగుల సమస్యలు పరిష్కరించాలి
డిటీఎఫ్ రాష్ట్ర ప్రధాన కార్యదర్శి టి.లింగారెడ్డి.
హనుమకొండ జోర్దార్ ప్రతినిధి
డి టి ఎఫ్ వరంగల్ జిల్లా కమిటీ సమావేశం జిల్లా అధ్యక్షులు ఏ. గోవిందరావు అధ్యక్షతన డి టి ఎఫ్ జిల్లా కార్యాలయంలో ఆదివారం జరిగినది.
ఈ సమావేశానికి హాజరైన రాష్ట్ర ప్రధాన కార్యదర్శి టి. లింగారెడ్డి మాట్లాడుతూ.. గత పది రోజులుగా సమగ్ర శిక్షా ఉద్యోగులు తమ డిమాండ్ల సాధనకై ప్రజాస్వామ్యబద్ధంగా సమ్మె చేయుచున్నారని, వారి సమస్యలను ప్రభుత్వం వెంటనే పరిష్కరించాలని అన్నారు. కే జీ బీ వీ పాఠశాలలో చాలీచాలని జీతాలతో ఉపాధ్యాయులు పనిచేయుచున్నారని, వారు రెసిడెన్షియల్ విధానంలో పనిచేయుచున్నప్పటికీ అరకొర జీతం చెల్లించడం జరుగుతుందని, వారికి రెగ్యులర్ ఉపాధ్యాయుల యొక్క కనీస వేతనాన్ని చెల్లించాలని, ఉద్యోగ భద్రత కల్పించడమే కాకుండా, హెల్త్ కార్డులు మంజూరు చేయాలని, హాస్టల్ నిర్వహణ ప్రత్యేకంగా వార్డెన్లను నియమించాలన్నారు. ఎం ఆర్ సి లో పనిచేయుచున్న సిఆర్పి లకు మరియు ఎం ఐ ఎస్ కోఆర్డినేటర్లకు కూడా మినిమం టైమ్ స్కేల్ వర్తింప చేయాలన్నారు.చాలాకాలంగా పేరుకుపోయి ఉన్న పెండింగ్ బిల్లులు వెంటనే మంజురుచేయాలని,పెండింగ్ లో ఉన్న డి ఎ లు విడుదల చేయాలని,పి అర్ సి అమలుకు చర్యలు చేపట్టాలని ప్రభుత్వాన్ని కోరారు.
డిటిఎఫ్ రాష్ట్ర కార్యదర్శి అటుకుల శ్రీనివాసరెడ్డి
డి టి ఎఫ్ రాష్ట్ర కార్యదర్శి శ్రీనివాస్ రెడ్డి మాట్లాడుతూ.. ప్రభుత్వ పాఠశాలల్లోని విద్యార్థులకు కూడా గురుకులాల్లో అందిస్తున్న విధంగా పుష్టికరమైన, నాణ్యత తో కూడిన మధ్యాహ్న భోజనం అందించాలని కోరారు. అదేవిధంగా సంవత్సరాల తరబడి పేరుకుపోయిన ఉపాధ్యాయ సమస్యలు పరిష్కరించేందుకు ముఖ్యమంత్రి ప్రతేక చొరవ చూపించాలని కోరారు. పనిచేయుచున్న సర్వీస్ పర్సన్ యొక్క వేతనాలను విడుదల చేయాలని కోరారు .
జిల్లా అధ్యక్ష, ప్రధాన కార్యదర్శులు ఎ.గోవిందరావు, కె.యాకయ్య లు మాట్లాడుతూ జిల్లాల్లో జరిగిన ఉపాధ్యాయు ల అక్రమ సర్దుబాట్లు వెంటనే రద్దు చేయాలని, జిల్లా విద్యాశాఖ కార్యాలయంలో పెండింగ్ లో ఉన్న ఉపాధ్యాయుల సమస్యలు పరిష్కరించాలని,లేనియెడల ఉద్యమ కార్యక్రమం చేపడుతామని తెలిపారు.
ఈ సమావేశంలో జిల్లా ప్రధాన కార్యదర్శి కే యాకయ్య ఉపాధ్యక్షులు డి రవీందర్
ఎం నరసింహులు, కార్యదర్శి
కే. కొమ్మయ్య, వి. సదానందం, రాష్ట్ర కౌన్సిలర్లు ఆర్.రాంరెడ్డి, బి.జాన్,కె.రమేష్, కిషన్ తదితరులు పాల్గొన్నారు
Leave a Reply