మాట్లాడుతున్న ప్రో.. ఎన్. ఉదయ్ భాస్కర్
వరంగల్ జోర్దార్ ప్రతినిధి: కాకతీయ యూనివర్సిటీ అకుట్, ఎన్.జీ.వో, నాల్గవ తరగతి ఉద్యోగుల సంఘాలు సంయుక్తంగా “నేషనల్ పెన్షన్ స్కీం పై ఒరియంటేశన్ ప్రోగ్రాం” ను ఈరోజు కేయూ సెనేట్ హాల్ లో నిర్వహించారు. ఒరియంటేశన్ ప్రోగ్రాం కు వక్తగా వచ్చిన ఆదికవి నన్నయ యునివర్సిటీ ప్రొఫెసర్ ఎన్.ఉదయ భాస్కర్ మాట్లాడుతూ, ఎన్.పీ.ఎస్ కాకుండా ఉద్యోగుల జీతాలకు వేరే దాంట్లో పెన్షన్ కోసం పెట్టడం నిబంధనలకు విరుద్ధం అని మరియు రాష్ట్ర ప్రభుత్వం దానిని ఆడిట్ ఓబ్జెక్షన్ కింద తీసుకుంటుందనీ కాబట్టి ప్రతి ఒక్కరూ ఎన్.పీ.ఎస్ కు మారాల్సిందేనని అన్నారు. ఎన్.పీ.ఎస్ లో వుంటేనే 80 సీ.సీ.డీ కింద ఐ.టీ కోసం డీడక్షన్ కు అవకాశం వుంటుందని, అలా కాకుండా డీడక్షన్ చేసుకొవడం కూడా నిబంధనలకు విరుద్ధం అని అన్నారు. భవిష్యత్తులో ఓల్డ్ పెన్షన్ స్కీమ్ ప్రభుత్వం ప్రకటించినట్లయితే ఎన్.పీ.ఎస్ లో వున్న వారు మాత్రమే అర్హులవుతారని అన్నారు. కేయూ ఉద్యోగులు ఎన్.పీ.ఎస్ లో లేకపోవడం వలన ప్రతి ఉద్యోగి రోజుకి రూ వేయి నుండి రెండు వేల వరకు నష్టపోతున్నారని అన్నారు. ప్రస్తుతం ఎస్.బీ.ఐ లైఫ్ ద్వారా కేయూ ఉద్యోగులు సీ.పీ.ఎస్ స్కీం లో వున్నారు. ఇదే ఉద్యోగులు ఎన్.పీ.ఎస్ లో వుండి వుంటే ఎంతవరకు పెన్షన్ బెనిఫిట్స్ వస్తుందో ఆన్ లైన్ లో తన స్వంత ఎన్.పీ.ఎస్ అకౌంట్ లాగిన్ అయి చూయించారని నిర్వాహకులు అన్నారు. వీలయినంత తొందరలో ఎన్.పీ.సీ మార్చుకొని పెన్షన్ బెనిఫిట్స్ పొందాలని సూచించారు.
ప్రో. ఉదయ భాస్కర్ ను సన్మానిస్తున్న అకుట్ బాధ్యులు
ఈ సందర్భంగా ఆకుట్, ఎన్.జీ.వో అసోసియేషన్ జనరల్ సెక్రటరీలు డా మామిడాల ఇస్తారి, తిరుపతి, కోర్నెల్ లు మీడియాతో మాట్లాడుతూ యూనివర్సిటీ ఉద్యోగులతో బాటు యూనివర్సిటీ అడ్మినిస్ట్రేషన్ కూడా ఎన్.పీ.ఎస్ లో ఉద్యోగులను చేర్చడానికి సుముఖంగా వుందని, దీనికి సంబంధించి సాద్యా సాధ్యలాను పరిశీలించడానికి కామర్స్ కాలేజీ ప్రో. రాజేందర్ చైర్మన్ గా నలుగురి సభ్యులతో ఒక కమిటీని కూడా నియామకం చేసిందని అన్నారు. ఈ కార్యక్రమంలో కేయూ టీచర్లు, నాన్ టీచింగ్ ఉద్యోగులు పాల్గొన్నారు.
Leave a Reply