jordarnews.com

అత్యధిక విద్యార్థుల ఉత్తీర్ణతే లక్ష్యంగా లెక్చరర్లు చర్యలు తీసుకోవాలి.

మంచిర్యాల డి ఐ ఈ ఓ, అంజయ్య.

(మంచిర్యాల జోర్దార్ ప్రతినిధి)
మంచిర్యాల జిల్లాలో ఇంటర్మీడియట్ విద్యార్థులు అత్యధిక ఉత్తీర్ణతే లక్ష్యంగా, లెక్చరర్లు విద్యా బోధన చేస్తూ చర్యలు చేపట్టాలని మంచిర్యాల జిల్లా ఇంటర్మీడియట్ విద్యాశాఖ అధికారి (డి ఐ ఈ ఓ) అంజయ్య అన్నారు.
బుధవారం బెల్లంపల్లిలోని సోషల్ వెల్ఫేర్ గురుకుల పాఠశాల మరియు ప్రభుత్వ బాలుర జూనియర్ కళాశాలను సందర్శించి లెక్చరర్లతో సమావేశాన్ని ఏర్పాటు చేసి విద్యార్థుల పట్ల అవలంబించాల్సిన, చేపట్టాల్సిన, చర్యలకు పై దిశానిర్దేశం చేశారు. ఈ సందర్భంగా ఆయన జోర్దార్ ప్రతినిధితో మాట్లాడుతూ, రానున్న ఇంటర్మీడియట్ పరీక్షల్లో మంచిర్యాల జిల్లాలో విద్యార్థులు అత్యధిక శాతం ఉత్తీర్ణత సాధించాలని, అందుకే విద్యార్థుల విషయంలో ప్రభుత్వం ఇచ్చిన 90 రోజుల ప్రత్యేక పీరియడ్స్ లో ప్రత్యేక శ్రద్ధ చూపెడుతూ విద్యార్థులకు బోధన చేయాలని, ఫెయిల్ అయిన విద్యార్థుల పట్ల ప్రత్యేక శ్రద్ధ తీసుకొని బోధన చేపట్టాలని, ఒక్క విద్యార్థి కూడా ఆబ్సెంట్ కాకుండా కాలేజీకి వచ్చే విధంగా తగు చర్యలు తీసుకొని విద్యాబోధన చేయాలని, ఆయన సిబ్బందికి సూచించారు.
అవసరమైతే పేరెంట్స్ తో సమావేశం ఏర్పాటు చేసి విద్యార్థులు కళాశాలకు విధిగా వచ్చేలా చర్యలు తీసుకోవాలని సూచించారు.
ఈ కార్యక్రమంలో లెక్చరర్లు, ఉపాధ్యాయులు, సిబ్బంది, తదితరులు పాల్గొన్నారు.